"سمبوسك".. من صنع إيدك

النهارده هنقدّم لكم طريقة عمل "السمبوسك" من الألف للياء..

يعني هنقول لك إزاي تعملي عجينة "السمبوسك" بنفسك في البيت..

يلّا بينا ندخل على المطبخ ونشوف هنعمل إيه...

المقادير:
3 أكواب دقيق
ملح
2 بيضة
معلقة كبيرة سمن
1/4 كوب ماء
2 معلقة كبيرة زبدة

الحشو:
5 معالق كبيرة جبنة بيضاء
2 معلقة كبيرة بقدونس مفروم
1/4 معلقة صغيرة شطة
1/4 معلقة صغيرة ملح

الطريقة:
1- ضعي مقادير العجينة في الخلاط الكهربائي، واضربيهم مع بعض لغاية ما تحصلي على عجينة متماسكة.

2- غطّي العجينة بقطعة قماش وسيبيها في مكان دافئ علشان تتخمّر لمدة ساعة.

3- بعد ما العجينة تتخمّر قطّعيها لقطع صغيرة، وابدئي افرديها بالنشابة لشرائط طويلة ومستطيلة الشكل.

4- بعد كده ضعي قطعة صغيرة من الزبدة على العجينة، وأعيدي فردها مرة ثانية، وكرري الموضوع ده مرة كمان.

5-
اخلطي مكوّنات الحشو مع بعضها، وابدئي احشي "السمبوسك" واقفليها كويس
واقليها في زيت غزير ساخن علشان ما تتفتحش منك.. وممكن تقدّميها باردة أو
سخنة وبالهنا والشفا.


يلّا بقى بسرعة ادخلي على المطبخ واعملي وصفة النهارده..